Hum Dekhenge

Hum dekhenge, hum dekhenge Hum dekhenge, hum dekhenge

Hum dekhenge, hum dekhenge Lazim hai ke hum bhi dekhenge Hum dekhenge

Woh din ke jiska wada hai Jo lauh-e-azal mein likha hai Hum dekhenge

Lazim hai ke hum bhi dekhenge Hum dekhenge

Jab zulm-o-sitam ke koh-e-garan Rooi ki tarha udd jayenge Hum mehkoomon ke paaon tale Yeh dharti dhad dhad dhadkegi

Aur ahl-e-hakam ke sar upar Jab bijli kad kad kadkegi Hum dekhenge

Jab arz-e-khuda ke kaabe se Sab but uthwaye jayenge Hum ahl-e-safa mardood-e-haram Masnad pe bethaye jayenge

Sab taaj uchhale jayenge Sab takht giraye jayenge Hum dekhenge

Bas naam rahega allah ka Jo gayab bhi hai hazir bhi Jo manzar bhi hai nazir bhi Uthega anal-haq ka nara

Utthega anal-haq ka nara Jo main bhi hoon aur tum bhi ho Aur raaj karegi khalq-e-khuda Jo main bhi hoon aur tum bhi ho Hum dekhenge

Hum dekhenge hum dekhenge Hum dekhenge